MEPUTSO: 100
NAKO: 2½ diiri
Palomoka ya matlakala a dipotšišo ke 6.
LEPHEPHE LA BORARO (P3)
DITAELO
Lephephe le, le arotšwe ka dikarolo tše THARO, e lego ya A, B le C.
KAROLO YA A: Ditaodišo 
KAROLO YA B: Ditšweletšwa tša tirišano tše telele 
KAROLO YA C: Ditšweletšwa tša tirišano tše kopana 
Araba potšišo e TEE karolong ye nngwe le ye nngwe.
Šomiša polelo yeo o lekwago ka yona.
Thoma karolo ye nngwe le ye nngwe letlakaleng le lefsa.
Beakanya (ka tsela ya mmepe wa monagano, seswantšho, mantšu a bohlokwa le tše dingwe) o be o badišiše le go dira palobohlatse. Peakanyo ya gago e tšwelele pele ga taodišo ya gago.
Peakanyo e bonagale gabotse. E laetše ka go thala mothalo wa go putla.
Šomiša metsotso ye e ka bago 80 go KAROLO YA A, ye 40 go KAROLO YA B, le ye 30 KAROLONG YA C.
Dikarabo di nomorwe go ya le ka fao dipotšišo di nomorilwego ka gona.
Efa karolo ye nngwe le ye nngwe hlogo ya maleba.
Ngwala ka bothakga le ka mongwalo wa go balega.
KAROLO YA A: DITAODIŠO
POTŠIŠO 1
Kgetha E TEE ya dihlogo tše di latelago gomme o ngwale taodišo ya botelele bja mantšu ao e ka bago a 250 go iša go a 300.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Lekodišiša seswantšho se gomme o ntšhe sa mafahleng a gago.
GOBA
Bolwetši bjo, bo tšere seo mahlo a ka a bego a se rata.
GOBA
Setšhaba se nyaka baetapele e sego baetakapele.
GOBA
Go ya ka magoro ... Montlhatlami o tla le tlela le tše kaone!
Ke nako ... Tia di lle.
GOBA
Lenaneo la thelebišene leo ke le ratago.
GOBA
Lebelo le a bolaya, fihla o sa phela! Etšwa tema.
GOBA
Lebelela seswantšho se se latelago gomme o tšweletše dikgopolo tša gago mabapi le sona.
Bjalegona ke tennwe, ke nyaka gore ka ponyo ya leihlo go thwalwe mohlahli wa mosadi go tlo hlahla sehlopha sa naga!!
GOBA
Lekola seswantšho se, o ngwale taodišo ka sona.
PALOMOKA YA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Araba potšišo E TEE go tše nne tše di latelago. Botelele bja karabo ya gago e be mantšu a 120 go iša go a 150 (diteng fela).
Mogwera wa gago o iphile diokobatši, mo ngwalele lengwalo o mo eletše ka ga kotsi yeo a bapalago ka yona.
GOBA
Thala proutšhara yeo o kwalakwatšago pontšho ya dithuto yeo e lebantšhitšego baithuti ba mphato wa marematlou. Goketša bontši bja baithuti bao ba ratago go ingwadiša diyunibesithing ngwageng wo o tlago.
GOBA
Ngwalela kuranta ya geno athikele yeo o anegago ka moo dikgaruru di thomilego ka gona sekolong sa geno.
GOBA
Go bile le bohodu bja dikhomphutha sekolong sa geno. Wena bjalo ka leloko la mokgatlo wa baithuti, ngwala pego ye e tla išwago maphodiseng gore ba kgone go dira dinyakišišo.
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO/TŠEBIŠO/MELAETŠA
POTŠIŠO 3
Araba potšišo E TEE go tše tharo tše di latelago. Botelele bja karabo ya gago e be mantšu a 80 go iša go a 100.
Batswadi ba gago ba tla be ba sepetše matšatši ka moka a mafelelo a beke. O tla be o šetše o le tee. Ngwala dintlha tše šupa tša ditaelo tšeo ba go tlogetšego le tšona.
GOBA
Kgaetšedi ya gago e sa tšo humana lesea. Ke setlogolo sa mathomo ka lapeng. Thala poskarata ya ditebogišo.
GOBA
Ngwala ka gare ga pukutšatši ditiragalo tše šupa tšeo o ratago go di phethagatša pele la ka moswana le hlaba.
PALOMOKA YA KAROLO YA C:
PALOMOKA YA TLHAHLOBO:
